The winning contests for this year 2018 at the Bike The Drive Event is Mr. Fuad Kelmendi. Veteran i Luftes Çlimtare të Kosovës (UÇK).

Falenderojme Nici Carpet Cleaning Inc per sponsorimin e biçikletes.

Faleminderit të gjithë pjesëmarrësve.

Respekt.

Me datë 22 dhe 23 Prill 2018, Komuniteti Shqiptaro-Amerikan në Illinois me seli në Chicago, në krye me z. Gjaneto Harusha, organizoi një pritje solemne për Ministrin e Diaspores së Shqiperisë, z. Pandeli Majko.

Gjatë qëndrimit në Chicago, z. Majko vizitoi kishen ortodokse shqiptare, xhaminë shqiptare, shkollën shqipe dhe disa biznese shqiptare. Poashtu, z. Majko pati një takim të ngushtë me shoqatat që veprojnë në Illinois dhe Wisconsin. Në mbrëmje u organizua edhe një takim i hapur me bashkekombasit në Chicago dhe rrethinë.

Mbrëmja solemne u hap me hymnin kombëtar dhe një program të shkurtë artistik, të organizuar nga aktori i mirënjohur Pajazit Murtishi, dhe nxënësit e Shkollës Shqipe “Kongresi i Manastirit.” Pas këtij programi, fjalën e mori Kryetari i Komunitetit Shqiptar, z. Gjaneto Harusha. Kryetari Harusha pasi përshëndeti mysafirët, ndër të tjera theksoi së “Komuniteti Shqiptar në Chicago është një vullkan energjie dhe kapitali njerëzor.” Kryetari Harusha u ndal në dy kerkesa kryesore për Ministrin Majko, ndihmesen për krijimin e një qendre shqiptare në Chicago dhe hapjen e konsullates Kosovë-Shqipëri.

Pas z. Harusha, fjalen e mori z. Majko, i cili përshëndeti të pranishmit dhe falenderoi të gjithë shqiptarët në Illinois dhe rrethinë për pritjen madhështore. Ministri Majko vuri në pah sukset dhe sfidat me të cilat është ballafaquar dhe ballafaqohet diaspora shqiptare. Ai u zotua se do të bëjë gjithë atë që është në mundësinë dhe kompetencat e tij për të realizuar kërkesat e komunitetit shqiptar në Chicago, duke e lavdëruar aktivitetin e shqiptareve nga Chicago, si në proceset e demokratizimit të Shqipërisë, poashtu edhe në lobimin e tij në drejtim të pavarësimit të shtetit të Kosovës. z. Majko tha se po punohet për nje ligj që do të mundësonte krijimin e nje fondi të posaçem për krijimin e qendrave shqiptare në vende të ndryshme të botes.

Mbrëmja festive përfundoi me një forum pyetje dhe përgjigje për z. Majko, gjatë të cilit pati një interesim shumë të madh nga të pranishmit.

Kryesia e Komunitetit Shqiptaro-Amerikan në Illinois me seli në Chicago

8 Mars 2018.

Me datë 9 Mars 2018, Komuniteti Shqiptaro-Amerikan në Çikago, në krye me z. Gjaneto Harusha, organizuan një pritje solemne për Ambasadoren e Kosovës në Washington, znj. Vlora Çitaku.

Pas një programi të shkurtë artistike ku pjesmarrës ishin aktori i mirënjohur nga Çikago, Pajazit Murtishi, dhe nxënësit e Shkollës Shqipe “Kongresi i Manastirit,” fjalën e mori Khgryetari i Komunitetit Shqiptaro-Amerikan, z. Gjaneto Harusha. z. Harusha pasi përshëndeti mysafirët, ndër të tjera theksoi së “Komuniteti Shqiptaro-Amerikan ka nëvoj për të avancuar lidhjet me atdheun, me qëllim ruajtjen e kulturës dhe traditave shqiptare.”

Pas z. Harusha, fjalen e mori Ambasadorja Çitaku, e cila përshëndeti të pranishmit dhe falenderoi të gjithë shqiptarët në Illinois dhe rrethinë për pritjen madhështore. Ne fjalën e saj, Ambasadorja Çitaku dha lajmin per hapjen në Çikago të konsullates së përbashkët Kosovë-Shqipëri brenda një viti. Ambasadorja njoftoi të pranishmit se ministri i jashtëm i Kosovës z. Pacolli dhe ministri i jashtëm i Shqipërisë z. Bushati janë në fazën finale të kordinimit për hapjen e konsullatës së përbashkët në Çikago. Ajo poashtu nënvizoi nëvojen për inkuadrimin e diaspores në trajtimin dhe menaxhimin e problemeve në vendlindje.

Komuniteti Shqiptaro-Amerikan e dekoroi Ambasadoren Çitaku me një mirenjohje për kontributin e saj në përfaqësimin e denjë të Kosovës në arenën ndërkombëtare.

Mbrëmja festive përfundoi me një forum pyetje dhe përgjigje për Ambasadoren Citaku, gjatë të cilit pati një interesim shumë të madh nga të pranishmit.

Kryesia e

Komunitetit Shqiptaro-Amerikan në Illinois